Vawiin khan Election Commission of India chuan Lok Sabha MP inthlan hun a puang ta a. April ni 19-ah inthlang tanin, June ni 4 ah vote chhiar a ni ang.
Inthlan hi India ram pumah thawh 7-a neih tur a ni a. A hmasa ber chu April ni 19-ah tanin a hnuhnung ber, thawh 7-na te chuan June ni 1 ah vote an thlak dawn a. Mizoram chuan inthlan thawh khatna, April ni 19 ah Lok Sabha-a kan aiawhtu, Member of Parliament kan thlang dawn a ni.
April ni 19-a inthlang turte tan hian March ni 20-ah hriattirna (Gazette Notification) tihchhuah a ni ang a. Inthlan chuh tumte tan march ni 27 thleng hun hawn niin, a tukah nomination endikna neih a ni ang a. March ni 30 thleng inhnuhdawhna hun hawn a ni ang.