Tukina Vaphai khawtlang inrawnkhawm chuan Vaphai khawtlang chawm zo ngei Transformer pe turin Power & Electricity Dept an phut a, an besei anga hma an laksak theih loh chuan khawtlang mipuiin lungawi lohna an lantir dawn tih an sawi.
Tukin khan Vapai khawtlang mipuite chu Vaphaiin transformer tha an neih loh avanga thla tam tak harsatna an tawh mek chungchangah an inrawnkhawm a, Vaphai hian transformet 100KVA pahnih leh 25KVA pahnih an nei mek a, 100KVA pakhat zawk hi a hlui tawh avanga a khat tawkin a chhe deuh reng a, Transformer dang an neihte hian an khawtlang mamawh a phuhru zo tawh lo tih an sawiin hetianga transformer-in a chawm zawh tak loh avang hian a chhiat hlauin tualchhunga Dept thawktute’n a vilin an vil tih an sawi a; Electric hman tam zual lai – zing, tlai leh zanahte load sang chhuanlamin nitin khel lova off thin a ni a.
P&E Dept hmalakna hi tawiawmin VC-te pawhin electric heh chi hmanrua hmang lo tura khawtlang mipuite hriattirin pa-ho intelkhawmin in tinah lutin an dap chhuak bawk tih sawiin hetiang hmanrua hmang an awm lo chung pawh a, load sang chhuan lama electric off a la ni fo avangin an harsatna sukiang tur hian dept hotute hnenah thlen thin mah se, an harsatna phuhru zo tur hmalakna an la hmu lo niin an sawi bawk.
Hun rei tak Vaphai khawtlangin khawlphetha supply chungchanga harsatna an tawh avang hian an lungawi tawh lo tih sawiin Power & Electricity Dept an phut a, an besei anga hma an laksak theih loh chuan khawtlang mipuiin lungawi lohna an lantir dawn tih an sawi a ni.