Nizan dar 6 vel khan Maubawk-CH ah Pu N.Hnemsanga chuan a nupui Pi B.Chhingpuii a vithlum.
Thudawnnain a sawi danin an nupa inhnial hnuah a pasal hian chemte chuhin a nupui tap a vawk chaw chhum lai chu a hnung lam atangin a nak ding lamah a vit a, a nupui hi a hmunah a boral nghal.
An inhnial lai hian a nupui nau fapa te thiandun pawh inah hian an awm a. An hnathawk haw insil zo, Room a luh hlanin pawikhawihna hi a thleng a, an nupa inhnial chhan hi an hrechiang bik lo niin an sawi.
Pu N.Hnemsanga hian a nupui a vit zawh hian pawnah a tlanchhuak a, an in bulah a vihna chemte hi a paih a. Taxi in Siaha Police Station-ah inpe turin an kal nghal nia thudawn a ni.
Pawikhawihtu hi Siaha Police te chuan tualthah thubuai an awrhtirin District Jail-ah nizan vek khan an dahlut nghal a. He pawikhawihna hi an chhuizui mek a ni