Aji-No-Moto (Hmehhan) hi mi tam takin kan ei duh lo a, hriselna atana pawi thei, kan tana ṭha lo ni te pawhin kan hria. Mahse, a lo ni chiah lo. Ei tam lutuk erawh chu thil dang ang bawkin a ṭha chuang lo.
Kum 1908 khan Japan rama Dr Ikeda chuan chawhmeh tih tui lehzualna a awm ringin a nupui hnenah an chawhmeh zinga tui ber enge ni ang tiin a zawt a. Chuta ṭang chuan he Aji-No-Moto group hi lo piangin khawvelin kan lo hre darh ta a ni.
Aji-No-Moto kan tih mai hi MSG (Mono Sodium Glutomate) tiin sawi a ni bawk. Sodium leh Glutomate inkawp chawhmeh tih tuina hi mihring hriselna atan thil hlauhawm a ni hran lo a. US Food and Drugs Administration te bakah WHO te pawn an lo zirchiang tawh a. Sodium leh Glutomate te hi kan thil ei, thlai leh thildangah te hian an awm sa a, kan taksa pawh hian a mamawh reng zawk a ni.
Kum 1968 April ni 4 khan Dr Robert Ho Man Kwok chuan New England Journal-ah “Chinese Restaurant Syndrome” tiin he Aji-No-Moto hi a sawichhe chiam mai a. Mi tamtakin Chinese Restaurant leh an thilsiam an hnualsuat phah a. Chung avang te chuan Joint FAO/WHO Expert Committee on Food Additives (JACFA) te pawn an lo zirchiang tawh nghe nghe a. MSG hi a hlauhawm lo a, Aji-No-Moto group te sumdawnna pawh vawin thlengin a lian ta hle zawk a ni.
MSG hi thlai, a bikin Fu leh Vaimim atangin an siam ber a. An siam dan leh an siamna hmanrua te hi rilhlelh tur engmah a awm lem lo.