New Delhi a cham mek Sports Minister Pu Robert Romawia Royte hnenah Aizawl Multipurpose Hall sakna tur Rs 450 Lakh sanction order chu nimin khan Ministry of Youth Affairs & Sports hotuten an hlan.
He Hall hi Volleyball leh sports discipline dangte pawh khelh theihna tura ruahman niin Durtlang North khawtlangin MSSC kuta an ram an pekah sak tum a ni.
Sports Minister Pu Roberta chuan Indoor hall indaihlohna avangin state level competition duh anga neih theihloh a ni fo a,an lo ruahman anga Hall thar thalaite tana sanction a ni leh ta chu a lawmawm a tih thusawiin he hall hi Khelo India Scheme atanga funding dawn a nih thu a sawi a.He hall atan hian Mizoram sorkarin sum sen ve tur a neilova,tha taka sakzawh vat tum a nih thu a sawi a.
Dan dinglai angin he project atang hian Mizoram Sorkarin GST leh Labour cess Rs 40 lakh chuang a chang dawn a ni.
