Aizawl District chhunga Police Station hrang hrangah kumin chhungin thubuai 2238 ziah luh a ni

Aizawl District chhunga Police Station hrang hranga Thubuai ziah luh zinga 820 te chu chinfel tawh a ni a; thubuai ziah luh tam ber chu rukruk thu buai a ni

Kumin chhungin IPC (Indian Penal Code) hnuaia Police Station hrang hranga case register zingah Burglary/theft (Rukruk) a hluar ber a, case 1556 register tawh niin, case 519 charge sheet tawh a ni a, case 293 ah conviction hmuh tawh a ni. Murder (Tualthah) case 10 register a ni a, case 7 charge sheet tawh a ni. Motor accident fatal (motor accident thihna thlenna) case 26 register awmin, case 19 charge sheet tawh a ni. Hurt/Affray (Kut inthlak/insual buai) case 40 register tawh niin, case 29 charge sheet tawh a ni. Heng zinga case la charge sheet lohte chu chhuizui mek zel a ni.

Local and Special Law hnuaia case register zingah POCSO (Naupang laka hur sualna lam rawngkai) case 35 register a ni a, case 27 charge sheet tawh a ni. Arms Act (Dan lova silai kawl leh hman) case 11 awmin, case 6 chu charge sheet tawh a ni. ND&PS (Ruihhlo kaihhnawih) case 21 register tawh niin, case 18 charge sheet tawh a ni. MLP Act (Zu kaihhnawih) ah case 117 register niin, case 81 charge sheet tawh a ni. Heng zinga case la charge sheet lohte chu chhuizui mek zel a ni.