Champhai Police-in tun hnai khan hmeichhe naupang kum tling lo khuaikhema puh mi pahnih an man.
Champhai Police Station atanga Maipawl thudawn danin Champhai Khawpui chhung veng pakhata hmeichhe naupang kum 14 mi chu a hringtu a pa kum 36 miin Kum 2023 December thla leh Kum 2024 December thla khan pawngsualin mipat hmeichhiatna a hmanpui a, tum eng emaw zat mipat hmeichhiatna rawngkaiin a khuaikhem bawk a. He thubuai lo irhchhuah dan hi tun hnai khan hmeichhe naupang hi a pa-in kut a thlak avangin a nute-i hnenah a chunga a pa khawsak dan zawng zawng hi a hrilh a, Child Welfare Committee-te hriattir an nih hnuah CWC Champhai Chairman chuan Champhai Police station-ah FIR a theh lut a, a fanu pawngsualtua puh hi Champhai Police-te chuan manin thubuai pathum 6 POCSO leh 8 POCSO bakah hmeichhe zahawmna tihbawrhban thubuai siamsak a ni a, Lung inah khung nghal a ni.
Hei bakah hian tun hnai vek khan Champhai khawpui chhung veng pakhatah hmeichhr naupang kum 14 mi chu a muhil lai chu mipa kum 27 miin a hnute a khawihsak ni-a sawiin Champhai Police station-ah thubuai a theh lut a, khuaikhemtua puh hi Champhai Police chuan manin 8 POCSO hnuaiah leh hmeichhe zahawmna tihbawrhban thubuai siamsak a ni a, Lung inah khung nghal a ni.
