Pu Lalsawma, Controlling & Licensing Authority, Directorate of Health Services, Government of Mizoram chuan chuan hripui leng laka invenna hmanraw pawimawh tak pakhat hand sanitizer (Sparash) chu India ram pumah a lem a darh nasa hle a. Product tha lo dapchhuah hna hi Mizoram Food & Drug Administration (FDA) chuan a thawh reng thu leh hmuhchhuah pawh engemawzat an neih tawh thu a sawi.
Pu Lalsawma chuan tunhnaiah Guwahati atanga online hmanga mi thenkhatin an chah chhuah, Hand Sanitizer “Sparash” chu Mizoram hmun hrang hrangah a darh nasa hle tih sawiin, a chah chhuaktute kut atangin engemawzat an hmuh chhuah thu a sawi.
Hand Sanitizer “Sparash”, Purabi Pharma Lab Narengi, Guwahati-a mite siam hi Mizoramah 500 ml leh 5 litres chi hmuh a nih thu sawiin, Pu Lalsawma chuan danin a phut anga label siam a ni lova. Drugs Rule chuan label dik tawk lo damdawi reng reng zawrhchhuah a khap tlat a ni, a ti.
Assam State Drug Controller hnenah thil awmzia enfiah tura an ngen thu sawiin, annin rang takin hma an la nghal a. A siamtute pawhin thil dik lo a awm tih pawmin an hralh chhuah tawh zawng zawng koh kir nghal an remtih thu Pu Lalsawma hian sawiin, ni 7 chhungin Assam State Drug Controller hnenah recall dinhmun an report dawn a ni.
Hand Sanitizer hrim hrim, natna hrik danglam tak a nih avangin WHO in hripui laka kut silfai nana a recommend chu 80% Ethyl Alcohol emaw 75% Isopropyl Alcohol emaw a ni.
