Kumin chhungin dan lova tawlh ruk Kuhvaro Kg. Nuai 5 chuang Champhai paltlang tur man a ni tawh

August 1, 2024 : Kumin chhungin Police, Assam Rilfes leh Custom Preventive Force-in Myanmar atanga dan lova tawlh ruk Kuhva ro Kg 5,11,160 an man tawh.

Maipawlin a zir chian danin Kumin chhungin Champhai Police leh Khawzawl Police-te’n Myanmar atanga dan lova Kuhva ro tawlh ruk an man hi Bag 3,370, Kg 210,880 an man tling tawh a, Assam Rifles leh Custom Preventive Force tangkawpin Bag 4344, Kg 300280 an man tling tawh bawk a, Heng kuvaro man te hi dan anga hmalak zui turin Custom Preventive Force-in an kawl a. Kuvaro man hlut zawng hi tualchhung hralhnaa chhutin cheng 332,25,400 hu a ni.

Tun hma angin Kuhvaro tawlhruk hi hluar tawh lo mah se, a khat tawkin Police, Assam Rilfes leh Custom Preventive Force-te hian an man deuh reng a, Police check gate paltlang tur bakah Police check gatee helna kawngahte man a ni tlangpui a. Tun hnaiah Myanmar atanga India rama bungraw lut tur zawng zawng Custom preventive Force-in dang mah se, ramri khaw tin deuh thaw-ah kai a awm avangin a rukin eng emaw zat chu a kal tho ni-a hriat a ni.