Melbuk khuaa chhungkaw 5-te chu an chenna hmun a him loh avangin insawn chhuak tura hriattir an ni

June 26, 204 ; Champhai District, Melbuk khuaa chhungkaw 5-te chu an chhena hmun a him tawk loh avangin vawiin khan insawn chhuak tura hriattir an ni.

Tukkin khan District Disaster Management Authority, Champhai Chairman  James Lalrinchhana, PWD Sr. EE  Vanlalhruaii, Sr. SDO PWD  K Jonathan Thangmawizuala leh  VL Hruaimawia, District Organiser DM&R -te chuan Melbuk khuaa leikhi awm hi a hmunah tlawhin an enfiah a, Melbuk khawtlang hruaitute’n an lo tawiawm a. He lai lei khi hi World Bank road laih vang ni-a hriat niin Cyclone Remal thawh hnua khi tan niin In pangate chu an awmna hmun chu hmun him lo a nih avangin insawn chhuak turin hriattir an ni a, lei khi Feet 8 vela thuk leh Feet 3-a zau niin Metre 250 vela thui a khi a ni.

Tukkin hian DDMA Chairman, James Lalrinchhana chuan chhungkaw 5-te hi Silpauline 12 a pe nghal a, he lai lei khi zir chiang tur hian Leilung chanchin zir mi Geologist chah tum a nih thu a sawi bawk.