Vawiina Zokhawthara ramri hung tumna leh FMR thiah duh lohna lantirna kawng zawhah L Ramdinliana Renthlei, ZORO General Secretary chuan thu sawiin vawiina punkhawm chu hnam tana beitute an nih thu a sawi a. ‘India Sorkarin a thil tum hi a ti tlang lui a nih chuan India sorkar a inchhir vawng vawngna turin a tul a nih chuan Zalenna sual tawh hnam hian silai pawh kan pu leh dawn a ni’ a ti.
Lere-a chuan Myanmar tana zalenna sualtu rammu mekte chu an ngaihsan thu sawiin, ‘nalh tak taka Vanapa Hall-a zai thinte aiin mahni sahimna zawng lo a, ram tana nunna chan huamte chu kan ngaisang zawk a ni’ a ti a, thalai tha chak zawkte chu tlanchhe lo a, Zofate luah chin humhim tura bei turin a chah bawk a ni.
