Nizan khan Champhai Police te chuan Central Women Jail atanga tlan chhuak pakhat an man belh leh.
November ni 30, 2023 zing lama hmeichhe pathum tlan chhuak zinga pakhat, Lalruatsangi chu nizan khan Champhai Police ten Zokhawtharah an man a. Thudawnnain a sawi danin Lalruatsangi hi a tlan chhuah hnuah Khawmawi, Myanmar ah a lut a. Nizan khan Zokhawthara a rawn chuangkai chu police te hian an lo man ta a ni.
Darkar 24 chhungin Champhai Police te hian nikuma Central Women Jail atanga tlan chhuak pathum zinga pahnihte chu Champhai Police Station huam chhungah an man ta bawk.
Hetihlai hian Champhai dai, Khankawn Police Checkgate ah nizan zantir khan Champhai Police te chuan Paumuansanga, Hnahlan khua, Champhai Kanan Venga cheng mek nia insawi kut atangin herion kg 1 leh gram 110, hawng 99 an man a. An ruihhlo man hlutzawng hi cheng 3330000 hu vela chhut niin, ND&PS Act hmanga thubuai siamsak a ni.
