May 1, 2024
C Lalhriatzela kum 44 mi, Champhai Zotlang chu vawiin tlai dar 2:00 vel khan Aizawl Salem veng ah a Maxi Cab-in a delh a, a hliam tuar loin a thi.
Maipawl thu dawn danin C Lalhriatzela hi Aizawl- Champhai Service Maxi Cab khalh a ni a, vawiin khan Champhai atangin Aizawl a pan a, Aizawl an thleng hnuah Aizawl Salem vengah hian kawng awih tlan laiah a ding a, Motor atanga a chhuk hnuah a motor hi lir a. Jam kam a tum laiin Maxi Cab hi a tlu a, C Lalhriatzela hi a delh a. Trinity Hospital panpui nghal ni mah se, tlai dar 3:15 khan a hliam tuar loin a thi ta a ni.
A ruang hi an khua Champhai Zotlangah naktukah vui liam a ni ang.
