Assam Rilfes hotute chuan Ministry of Home Affairs atanga thu an hmuh angin April thla chhungin Myanmar leh India khua leh tuite darkar 72 chhung inkal pawh theih a ni ang a, May ni khat atangin inkalpawhna zawng zawng khar a ni dawn tih Ramri hnaih khawtlang hruaitute an hrilh.
Nimin khan Assam Rifles hotute hian Assam Rifles Camp, Darthlalang Tlang Champhaiah Ramri daido khua Tlangsam, Zote, Ngur, Ruantlang leh Hmunhmeltha khawtlang hruaitute bakah SYMA Champhai leh Champhai South Jt. VC leh Champhai North Jt. VC hruaitute kokhawmin an hmalak dan hrang hrang an hrilh a.
Assam Rilfes hotute chuan Minstry of Home Affairs atanga thu an hmuh anga MP inthlan vuakveta ramri khar a nih hnua ramri khar chhunzawm a nih dan sawiin April ni thla chung chu khawngaihna hun (Grace Peroid) kanpui a ni ang a, phalna lain ram pahnih mi-te darkar 72 – Ni 3 chhung an la cham thei dawn a, eng emaw harsatna avanga hun bi tuk chhung aia rei chamtur te huan duty-te phalna lak hmaksak tur a ni a, phalna la lote chungah erawh chuan action lak a ni thung dawn a ni.
Assam Rifles hotute chuan Ministry of Home Affairs atanga thu an dawn angin May ni 1 atang chuan Champhai District chhunga Border Haat awmte chu khar a ni dawn tih sawiin harsatna lian bikah erawh chuan chhinchhiahna fel tak nen inkal pawh theih a ni dawn niin an sawi bawk. Ramri khar hi Champhai District chhung atanga ruihhlo tawlh nasa lutuk leh Myanmar mi leh sa-in Mizoram kal tlanga ruihhlo an tawlh nasa lutuk dan chahna tur a ni pakhat tih an sawi bawk.
Assam Rifles hotute chuan MHA bakah Hqrs atanga thu an hmuh angin lirthe an endik chhunzawm dawn tih sawiin danin a phal loh an phur a nih loh chuan zaidam leh dawn thei taka dawh hram hram turin mipuite an ngen a ni. Eng emaw thu inhmuh fuh lo awm palh thei a nih thu sawiin chutiang a lo awm a nih pawhin tharum thawh lo zawnga a chinfel dan dap hram hram turin khawtlang hruaitute hi an ngen bawk a ni.
Meeting-a kal zinga pakhat chuan Ministry of Home Affairs hmalak leh an tum dan thlirin Myanmar leh India Inrinna hi hung hi a hnai hle-a a rin thu Champhaia Zonet Corr. a hrilh. Hetih lai hian Sub Hqrs YMA Champhai Rorel inkhawm chuan India leh Myanmar ramri hung a nih lohna turin SYMA-in hmalak nise tiin an lo rel tawh a, hemi bawhzuina dan tur hi May ni 4-ah an sawi ho dawn a ni.
