Champhai Police chuan nimin Pathianni khan Heroin tam tham tak an man.
Champhai Traffice Police-te chuan nimin Pathianni khan Ruantlang Dai, Forest Check Gate-ah lirthei document leh Driving licence an en dik a, lirthei an endik zinga pakhat Zokhawhthar atanga Champhai pan Car atangin Heroin Hawng 65, Gram 788 a rit an man a, lirthei khalhtu Benjamin Lalvumsanga leh a nupui Zion Lalramchullovi, Champhai Kanan Veng ni-a insawi te chu manin ND&PS Act hnuaiah thubuai siam sak an ni a, vawiinah Champhai District Court-ah hruai niin Lung inah khung nghal an ni.
Champhai Police-te heroin man hi tualchhung hralhnaa chhutin Cheng Nuai 19 leh Sing 5 hu a ni a, an ruihhlo tawlh hi a hlawma ruihhlo tawlhna Commercial quantity a tlin phak avangin Court-in thiam loh a chantir a nih chuan kum 10 atanga kum 20 thlen lung in tang tur leh pawisa chawi tura hrem theih an ni.
Nimin vek khan Zokhawthar Police leh Assam Rifles tangkawpte chuan Zokhawtharah Heroin Gram 44 a rit leh a neitua puh an man bawk a ni.
