Vawiin tlai dar 3:00 vel khan Sangau ah rial nasa takin a tla a, rial tla hian Sangau khawchhung a in engemaw zat chu a chung rangva adeng chhia.
Rial tla-in inchung rangva a den chhiat hi atam hle a, tun dinhmunah engzat chiah nge a den chhiat hriat theih ala ni lo. In chung chhia (pawp) zingah hian Sorkar quarters’ te pawh a awm nual bawk.
Rial tla hi a nasa hle a, Sangau bazar Vengthar Kawna rial tla tlingkhawm lirthei a tlan thei lo a,JCB hmanga thenfai hna thawh angai hial a ni.
Rial tla kawna inhnawhkhawm avangin Sangau YLA leh mi tlawmngai ten mimal in a rial luanglut leh inhnawhkhawm hi an thenfaisak nghal a ni.
Sangau a rial nasa taka tlate hi an lian hle a, artui tiat dawn dawn te an ni hlawm a ni. Rial tla avanga nunna chan an awm hriat a ni lova, chenna in chung tamtak a den chhiat avangin nunphung erawh akhaihlak nasa hle a ni.
