Tun thla ni 9 Inrinnia Khumtung a Bekang eisual mi 67 zinga pakhat nizan khan a thi.
Bekang eisuala thi hi kum 1 leh Thla 9 mi Laltlansangi, Pu Ramsangmawia fanu a ni a. Tun thla ni 9 Inrinni khan Serchhip District-a Khumtung khuaah hian Bekang um ei sual avangin mi 67 in dam loin harsatna an tawk a. Heng dam lo zinga 45 chu Khumtung Health sub-centre aṭangin Damdawi in hrang hrang, ZMC, Aizawl Civil leh Trinity Hospital-ah te ‘refer’ an ni a. An zinga 22 damin an chhuak tawh a, 22 Damdawi in hrang hrangah an la awm a. ZMC a awm Pi Lalremruati kum 42, Pu Lalthanzauva nupui chu a dinhmun ṭha lo in a la harh chhuak thei lo a. ZMC mi bawk Alfred Lalbiaktluanga kum 12, Pu R.Lalramzauva fapa pawh zai hmabakin a la awm mek a ni.
