‘Zirtirtu pakhat chauh awmna zirna in tihbo vek tum a ni’ – School Education Minister, Dr. Vanlalthlana
School Education Minister Dr. Vanlalthlana chuan an sorkar kum khatnaah zirtirtu pakhat chauh awmna zirna inah zirtirtu dah belh a, zirtirtu pakhat chauh awmna zirna in tihbo an tum thu House a hrilh.
Vawiina Assembly House-a Champhai South bialtu MLA Lt. Col. Clement Lalhmingthanga zawhna ‘ram pumah Zirtirtu leh zirlai inmil lote siam rem tumna a awm em? tih chu chahngin School Education Minister Dr. Vanlalthlana chuan Transfer & Posting Rules siam thar tum an ih thu sawiin Rules neih tawh sa siam rem tum a nih thu leh Rules neih tawh sa siam rem tum a nih thu a sawi a, Rationalisation kalpui an tum thu sawiin school thenkhatah zirtirtu 12, 13 an awm laiin school thenkhatah 1 chauh zirtirtu an awm a, an sorkar kum khatnaah zirtirtu pakhat chauh awmna chu a bo vek tur a ni an ti a, school 60 chuanah zirtirtu pakhat tal dah belh dan ngaihtuah niin Dept-in hma an la mek niin a sawi a; ram puma zirtirtu in daih lohna chu beng sikin ngaihtuahna an seng niin a sawi bawk.
Education Minister chuan Serlui bialtu MLA Lalrinsanga zawhna chhangin inthlan dawn hnaiha school engmaw zat a dah san chungchangah zawhna an dawn hnem thu sawiin sorkar hmasa Council of Minister meeting in notification a tihchhuah chu cancel a la nih loh thu a sawi a, budget-ah pawh upgradation dah tel a la ni a, sorkar hmasain hmalakna a neihte an endik a, Sorkar hmasain notification a tichhuah hma lawk a, education dept notification a tihchuahah zirnain dinhmun sang zawka hlan kai dan turte a ruahman a, chutianga School updgrade turte chu a nih dan turin a ni em tih enfel ve an duh avangin lo la ti rih lo turin an ti a, zirtirtu DEO-in DPC kaltlanga an lak tur pawh CM hriatpuinain lo la ti rih lo turin an ti tih sawiin budget-ah erawh chuan ruahmanna an nei a, a dik leh a fel chu an kaltlangpui mai a beisei thu sawiin Council of Minister meeting-ah ngaihtuah leh tura tih a ni dawn niin a sawi a; Samagra zirtirtu CSS te chungchang chu Council of Minster meeting agenda-ah pawh ngaihtuah a ni a, ngaihtuah that leh atana tih a nih thu a sawi a, School Education Minister chuan, sorkar-in Mizoram Education Reforms Committee a din a, anni’n an dinhmun an ngaihtuah dawn a, an rawtna te sorkar-in a en leh ang a, \ha a tih chuan ham\hatna te pawh an nei thei niin a sawi a. School uniform chungchang leh zirna in \an hun (school timing) te pawh Mizoram Education Reforms Committee kutah an dah niin a sawi a; Samagra hnuaia HSS leh HS zirtirtute hlawh nikum December thla thleng an pe tawh a, Finance-in tun hnai khan cheng vbc 24 a pe a, engtik thleng nge an pek theih ang an hre lo a, thla thum dan zela an pek ang em em chuan tih loh an tum a. Tun dinhmunah heng mite tan hian ham\hatna siam tumna a awm lo niin a sawi bawk
