Ngopa khuain KTP General Conference an thlen turah tui-a harsatna a thlen lohna turin Khawzawl PHE WATSAN Division E.E. Er. Liantluanga CHohte chuan tunhnai khan a hmunah kalin a tlawh a. Ngopa-ah hian Gravity hmangin nitin tui Litre nuai 2.9 vel a thlen theih bakah tui harsatna a awm loh na turin JJM Fund hmanga Solar hmanga tui Pumpna tur pawh peihfel a ni tawh a, hemi hmang hian nikhatah tui Litre nuai 1 chuang a Pump theih a ni. Ngopaah hian tui Connection nei 1031 awmin Sawrkar/vantlang in 41-ah pek a ni tawh a, tui zem Litre nuai 24 dawng a awm bawk.
Khawzawl PHE EE hian Khawzawl Division hnuaia awm, Saitual District chhunga an Department hmalakna leh hnathawh hrang hrang te pawh tlawh nghalin EE Er. Liantluanga Chohte hian Changzawl Solar Pumping, JJM Fund hmanga siam, nitin tui Litre 33,550 Pump theihna te, tui Litre nuai 16 leng tui dahkhawlna siam te, Pawlrang khuaa Gravity hmanga tui lakna siam te leh Litre nuai 20 leng tui dahkhawlna siam te a en a, Pawlrang hi tuihnar an humhalh that vangin tui an hniang hnar tha hle a ni. Teikhang khuaa Solar Pumping Water Scheme tui Litre nuai 1.38 Pump thei tur siam mek te, Kawlbem khuaa Solar Pumping Water Scheme, tui Litre sing 6.8 Pump thei turte siam mek leh Rabung khuaa Solar hmanga tui Litre nuai 1.27 Pump thei tur siam mek te a hmunah kal in a tlawh nghal bawk.
