Hmingthanmawia, Kum 36 mi Champhai District Saikhumphai khua chu Aizawl Electric Vengah thi-a chhar a ni.
Aizawl Electric Veng atanga CCN thu dawn danin Hmingthanmawia hi mi lirthei khalha eizawng niin Aizawl Electric Vengah mi in luahin amahin a khawsa a, nizan khan a thianpa nen awmin a thianpa hi dawra a kal chhungin Hmingthanmawia hi inah a lo awm tawh lo a, a thianpa hian zawng zui mah se, a hmu zo lo a; tukin dar 6:00 vel khan a in bula mite’n an kawm thlang mai Electric Veng leh Ramthar in rina Theihai kawrah thiiin an hmu a. Police hriattir niin Hmingthanmawia ruang hi Forensic Science Laboratory lamin an endik a, a ruang hi post mortem a nih hnuah Electric Veng YMA-in kuangah dahin vawiin khan an khua Saikhumphai lam panpui a ni.
