Champhai SP Pu Vineet Kumar chuan Election Commission of India (ECI) hnen atangin kum 2023 inthlan vuakveta venhimna kaihhnawiha hnathawk tha ber nihna, Champhai Police Station-in a lak chawimawina a dawng a. He chawimawina hi India President Pi Droupadi Murmu chuan a hlan a ni.
Champhai SP hian he chawimawina dawng tur hian New Delhi panin nimin, National Voters’ Day vawi 14-naah khan hlan a ni. Champhai District Police te hi inthlanna ralmuang, felfai leh him neih theihna tura an hmalakna bakah vote thlakna hmun venhim uluk zual ngaite a awm chunga constituency hrang hranga vote thlaktu an pun theih avanga he chawimawina hi pek an ni.
Champhai hi Myanmar ramri bula awm a nih avangin Myanmar ram buaiah chona hrang hrang an hmachhawn a. Heti chung hian inthlan kaihhnawihah khan venhimna tha taka kalpuiin ramri hnaih khuaa mite tan nasa takin an thawk a. Inthlanna felfai nei thei tur hian ruihhlo leh zu, cheng vaibelchhe 12.5 hu vel an hmu chhuak bawk a.
