Mizorama Tournament upa ber ni-a chhal Tuipuiral Games vawi 51-na Football chu vawiin khan Quarterfinal khelh zawn a ni.
Nimin khan Quarterfinal thawh khatna khelh niin inkhel hmasa zawkah Vaphaiin inkhelh tan atanga Min 7-na leha CS Vanlalawmpuia goal khung hmangin Khuangthing an hneh a, Leisenzo-in Min 59-naa Thangnunsiama goal khung hmangin Dungtlang an hneh ve bawk.
Vawiin Quarterfinal inkhel hmasa zawkah Bulfekzawl leh Sesih inkhelin goal 1 ve ve thunin an inhneh tawk a, Min 43-naah Bulfekzawl tan Lawmsangzuala’n an goal khatna a khung a, Min 73-naah Bulfekzawl player Lalramchhana’n an lamah ti-goal palhin Sesih-in an siphurh an sut a, hun tawp thlenga goal dang luh belh loin Penalty shootout-a chak zawk zawn niin Seshih-in 4-3 in hnehna an chang a;
Quarterfinal Match hnuhnung brrah Farkawn leh Samthang inkhelin hun pangngaiah goal lut a awm lo a, Penalty Shootout hmanga chak zawk zawn niin Samthang hian 9-8 in hnehna an chang a ni.
Naktukah Semfinal hi khelh a ni ang;
Samthang vs Sesih
Leisenzo vs Vaphai te an inkhel dawn a ni.
Vawiin tlai khan Volleyball Mipa Semfinal match hmasa zawk khelh niin Farkawnin 3-1 in Sazep an hneh a, Zaninah Khuangleng leh Bulfekzawlin final luh an inchuh leh dawn bawk a ni.
