Vawiin khan Er. H Ginzalala, MLA, Adviser to Chief Minister (Technical) leh Agriculture Department hotute’n Hnahlan Laili Phaia hmalak dan tur an thlirho a.
Laili Phai hi tun dinhmunah chhungkaw 150 velin eihmuh nan an hmang mek a,Phai loneitute’n harsatna an tawh thin a panna kawng chhia leh an mamawh ang tui lak tur an hmuh loh avangin tuilakna tur Agriculture Dump siam a, tui kawng tha zawk an neih theihna tura hmalak theih a ni a, an mamawh ber tui an nei a nih chuan, mumal leh hlawk zawkin thlai leh thil dang an tharchhuak thei ang a, Kum khatah tum hnih aia tam thlai an ching thei tawh tura ngaih a ni.
MLA Er. Ginzala leh Department Hotute hian Sawrkar atanga hmalakna leh tanpuina awm thei hrang hrangte hmang tangkaia kuthnathawktute mamawh leh harsatnate sutkian a nih theih nan theihtawp chhuah a, hmalakna awm theihna apiangte zirchian zel an tum thu an sawi bawk a ni.
Er. Ginzala chuan,”ZPM Party Kalphung Thar Mipui sawrkar chuan, Kuthnathawktute hmakhaw ngai a, an harsatna leh mamawhte phuhruk chu an ngaihpawimawh ber a nih thu sawiin mipuite taimakna leh thawhrimna hmangin ram nuam leh state intodelh ber zinga mi ni thei tura tan rualpuiah mipuite a sawm a ni.
Champhai North Bialtu MLA Er. H Ginzalala leh Department Hotute- R Lalramhluni DAO, Lalzarzoi ADAO, Jakaria Vanlalthiana GS, Er Lalzuithanga EE Irrigation, Rohmingliana JE -te leh ZPM Champhai North Block Hruaitu leh Hnahlan VCP te chuan Hnahlan Tiau Laili Phai a Kuthnathawktute harsatna sutkian anih theih dan tur hi a hmunah an enfiah a ni.
