Vawiin khan ni hnih cham turin Home Minister Pu K.Sapdanga chuan Chanphai a thleng.
Home Minister hi vawiin tlai khan Champhai DC kaihhruainain Champhai Circuit House ah lo dawnsawn a ni a. Champhaia Head of Department te nena inkawmhona an neihah thu sawiin Home Minister chuan, sorkar hian ram siamtha turin thahnem a ngai a, theihtawp chhuah a duh, a ti a.
Champhai chu thil tha lo chhuahna a nih rualin thil tha lo, kan thalaite suattu ruihhlo kalkawng lian ber zinga mi a ni a. Khawtlang leh sorkar hruaitute nen engtin nge kan ven theih ang tih kan zawng tlang dawn a. Ruihhlo lakah Mizoram thian thianghlimin, kan tanrual chuan do hneh theih a ni, a ti. Dan lova sumdawnna dang pawh khuahkhirh a ni dawn a. Kuhva ro chungchangah ram chhunga thar chhuah ngai pawimawh hmasain, hralh zawh hunah ram danga mi lakluh chu buaipui theih dan a awm em tih kan ngaihtuah zel a ni ang, a ti a. Ram hmasawnna hnathawh kawngah department hotute chu thawhpuiah a sawm a ni.
He hunah hian Champhai North MLA Pu H.Ginzala leh Champhai South MLA Pu Lt Col Clement Lalhmingthanga te pawhin thu sawiin, home minister Champhai district ngai pawimawha tlawh hmasaka a nei chu lawmawm an tih thu sawiin, sorkar hnathawkte thawhhopuiah an sawm ve bawk.
