“W Phailenga College din tuma hmalakna kalpui chu tun Sorkarah hian kan ti thei lo mai ang tih ka hlau” Lalrintluanga Sailo, Dampa MLA

Vawiin khan Dampa Bialtu MLA Pu Lalrintluanga Sailo chuan W. Phaileng a tlawh a, MLA Lalrintluanga Sailo chuan W. Phaileng leh Dampa bial hrang hranga khuate’n an Bialtu MLA ni leh tura an thlan tlin avanga lawmthu sawiin, Dampa bialin nasa zawka hma a sawn theihna tura a theihna zawng zawng hman a tum thu a sawi. Lalrintluanga Sailo chuan ram pumah sorkarna an chan tâk lohah chuan W Phaileng MUP hruaitute nen W Phailengah College din tuma hmalakna kalpui kan tum erawh tun Sorkarah chuanan ti thei lo mai ang tih a hlauh thu leh pawi a tih thu a sawi bawk.

Pu Lalrintluanga Sailo-in W Phaileng Bazar saktur NEC kaltlanga a lo buaipui tawh, tuna Commerce & Industries Dept. leh PWD kaltlanga sak ṭan hna an lo thawh mek chu a hmunah tlawhin a enfiah a. MLA chuan ” He Bazar hi W Phaileng mai ni lo, a chhehvel Khuaten ṭangkai taka an hman thuai theihna tura thawktute’n ṭha taka thawka a hun taka an zawh theihna turin i ṭawiawm ang u.” tiin W Phaileng mipuite a chah a ni.