Sub Hqrs YMA Champhai Executive Committee chu an Vice President Pu T Lalnunsanga hovin vawiin chawhnu dar 1:00 khan SYMA Office-ah an thukhawm a, thu khawm chuan Krismas leh Kum thar vuakveta Branch hrang hrang hmalak dan tur relin hun pui lo thleng turah nu nau te leh mipuite’n thlamuang taka an hman theihna turin Halpuah leh Halmawi lam chi reng reng hal lo tura mahni huam chhungah theuhah theihtawp chhuahin Branch hrang hrangte’n hmalak ni se an ti a,ruihhlo dona kawngah thahnemngai taka thawh zel ni se an ti a, Branch hrang hrangte chu hunpui chhungin duty post siam vek turin an ngen bawk.
Kum danga an lo tih tawh thin angin Sub-Headquarters YMA, Champhai chuan hunpui lo thleng tur pualin Champhai khawpui chhunga Home hrang hrangte hnenah luanchhuahna hun hman leh nise tiin an rel a, Kum thar 2024-ah Zirna In pualin Hnam Lam intihsiakna buatsaih ni se an ti bawk.
