Sports Minister tharin a Pisa a luah lut a; thalaite hmakhua ngaihtuah a, an tan theihtawp chhuah tlan a nih tur thu a sawi

Sports Minister Pu Lalnghinglova Hmar pawhin MINECO second floor (Room no. 207 & 208) chu vawiin khan a luah lut a; Minister chuan Minister dinhmun a chang thei chu lawmawm tiin, election a thlan tlin a nihna chu bultanna chauh a nih thu leh hmabak la awm turah thawhpuite leh mipui tawiawmna a pawimawh thu a sawi a. A portfolio chan chungchangah thalaite kaihhnawih chi – infiamna lam te, hna zawnna leh eizawnna kaihhnawih thiamna inzirtirna te bakah thalaite run nasa em em tu zu leh ruihhlo do chungchang pek a nih thu a sawi a. Thalaite hmakhua ngaihtuah a, an tan theihtawp chhuah tlan a nih tur thu a sawiin tih dan phung pangngaiin hna chu thawh theih ve thin tho mah se, ram siamthat hna thawk a danglamna tak taka thlen tur chuan tih tak zet a hma lak a tul thu sawiin, tawngtaipui thin turin kalkhawmte a sawm a ni.