‘In enchhin chhung a rei dawn lo, Pathian kaihhruainain kan kir leh ngei dawn’ -Tawnluia MNF Sr. Vice President

MNF Sr. Vice President Tawnluia chuan Pathian hruaina-in an let leh ngei dawn tih sawiin enchhin sokar chu an thlir uluk hle dawn niin a sawi.

Vawiin khan MNF Party chuan Mizo Hnam Run-ah chhung inkhawm an hmang a, thu sawitu MNF Sr. Vice President Tawnluia chuan Pathian kaihhruainain an let leh ngei dawn tih sawiin inthlan result chu an thatna tur zawka Pathian remruat a ni tih an pawm thu a sawi a, ZPM party an lawmpui thu leh duhsakna an hlan thu sawiin MNF MLA 10-te chu constructive opposition an ni dawn niin a sawi a, Enchhin sorkar chu mipuiin an chik dawn a, an thlir uluk hle ang tih sawiin in enchhin hun chu a rei dawn lo niin a sawi bawk.

MNF Sr. Vice President chuan, “Kum 1963-ah political party chak ber an lo ni daih tawh tih sawiin an theihna niloin Pathian hruaina avangin sorkarna an siam fo tawh a, an lung a chhia a, an mittui a tla thin a, an lawm a, an hlim fo tawh thin niin a sawi. Tawnluia chuan Tunah pawh an thinrim lo a, an lungawi lo hek lo tih sawiin hmana a pek ang sorkarna Lalpan a pe leh mai dawn niin a sawi bawk.

Tawnluia chuan an chaklohna chuan thahrui thar a pe dawn ni-a sawiin Unit level atanga General Headquarters thlengin an insiamtha dawn a. Kan nguai reng dawnlo tih a sawi a, MNF sorkar chu hnathawk lo anga an puh chungchang chu a taka hretu mipui an nih thu sawiin Covid in an hnathawh a ti bahlah hle a, Hmasawnna hna an tum anga an thawh theih lo rualin engmah thawk lo anga an puh duh tlat mai chu a dik bik lo tih a sawi bawk.