MNF Sr. Vice President Tawnluia chuan, MNF president Zoramthanga bana theh luh an pawm loh thu chu amah pawh an hrilh tawh thu sawiin, Zoramthanga pawhin, ‘hotute thu a nih chuan’ tiin, lawm takin President mawhphurhna chu chelh zui leh a pawm thu tawngkain a lo hrilh tih sawiin, anni pawh an lawm tak zet zet tih a sawi a. Tawnluia chuan, Zoramthanga ho ngeiin MNF party chu a kal zui zel a ni tih Zoram mipuite leh a bik takin MNF member te pawhin hria se an duh tih sawiin, ama ho ngei hian MNF party chu Zoram mipuite enkawl turin Ministry siam lehin a lo let leh ang tih chu an ring nghet tlat a, Zoram mipuite pawhin an tih tur dik tak an ti a ni tih hriatpuia, an pawmpui an rin bawk thu a sawi bawk.
Tawnluia chuan MNF President, Zoramthanga chu, Hnam Pa, Laldenga boral hnua vawiin thlenga MNF party chhum lo chat lo va hruaitu a ni tih chu mipuiten hria se an duh thu sawiin, Zoramthanga kaihhruaina hnuaiah harsa leh khirhkhan tak tak paltlang thei a an awm thu leh a ho va Ministry vawi 3 an siam tawh thu a sawi a, tum tum erawh party dangte hun thleng vein, sorkarna party dangin an siam tur chu an lawmpui tih a sawi bawk.
