Vawiin khan Zawlbuk Group YMA sports meet kharna hun Thingsulthliah khelmuala hman chu Pu Lalhmachhuana, President CYMA in khuallian niin a hmanpui a; Central YMA President chuan ‘Election Commission of Inida-in Pathianni-a vote chhiar hun an ti tlu a, Mizote ni serh satliah a ni lova, Pathian biakna ni, ring tute tana ni pawimawh ber mai a nih avangin vote chhiar ni sawn turin an ngen tih sawiin a tul angin hma an la zel dawn niin a sawi a. NGOCC meeting neih leh a nih dawn thu sawiin meeting thuchhuak lo ngaichang turin YMA memberte a ngen a, sakhua leh hnam tana pawimawh NGO in a buaipui lai a, hnam tan a pawimawh ti lo leh hnam tana theihtawp chhuah tute nuihzat pawl an awm chu zahthlak a tih thu sawiin a huna chuan tanrual zel a ngaih thu a sawi bawk.
Pu Lalhmachhuana chuan Mizoramin veng himtu a mamawh thu sawiin vengtu a neih loh chuan a nawmna te, a ralmuanna-te chu a tlu chhe mai ang tih a hlauhawm a, Mizoram veng him tur hian YMA memberte an pawimawh hle niin a sawi a. Ram leh hnam dinchhuah nan chuan nek ngai leh ke pen chhuah ngai a lo awm thin a, theihtawp chhuah tlan a ngaih thu sawiin Mizoramah YMA hmel thar din an tum dawn ni-a sawiin YMA hmel thar a awm theh nan tan lak tlan a ngaih thu leh Khawtlang leh rama YMA awm tawhna hmun apiangah chuan dik lo ni a hriatte chu do ngam a ngaih tawh thu sawiin ram leh khawtlang a lo him theih nan tan rual zel a ngaih thu a sawi bawk.
