Mizoram Baptist Kohhran – Area Baptist Council (ABC) Rorel leh Inkhawmpui Zirtawp zan atangin Mizoram hmun hrang hrang ABC-17-a neih a ni.
Vawiin Pathianni chawhma Inkhawmah Kohhran Upa 205 nemngheh an ni. Inrinni nileng khan ABC Rorel inkhawma hun hman a ni a, ABC Executive Committee thu te, Pastor Bial atanga Agenda lutte relhi a ni a, ABC-in a pass-te chu BCM Rorelna sang ber Assembly 2024-a thlen tura chhawpchhuah te ngaihtuah a ni ang.
ABC Inkhawmpui hi kum 1971 khan BCM Planning Commission-in a rel angin Area Church Council (ACC) Inkhawmpui tih hming puiin ACC 5 a awm a; Kum 1981 khan BCM Planning Commission-in Area Church Council (ACC) Inkhawmpui chu Area Baptist Council (ABC) Inkhawmpui tiin a hming thlak a ni.
Tun dinhmunah Baptist Church of Mizoram (BCM) hnuaiah hian Pastor Bial 92 awmin, Area Baptist Council (ABC) 17 a awm mek a. Tualchhung kohhran 680 ah member 176404 an awm mek.
