Mizoram leh Myanmar ramria duty ten bungrua cheng nuai 3 chuang man hu an man tawh
Champhai District chhungah riahchilha ramri ven hna chu hmun 14-ah thawh a ni a. Dan kalha bungraw lut turte chu an veng a. Vawiin thleng khan ramri duty post atang hian Myanmar atanga bungraw rawn phurh luh tum cheng 336800 man hu vel man a ni tawh
Hrileng avanga India leh Myanmar ramri-a duty Champhai District-a khaw hrang hrang duty te chuan phal lohva ruihhlo leh bungraw dang kai tur cheng nuai 3 chuang man hu an man tawh.
June ni 8 khan Champhai DC leh Champhai Sub-Hqrs YMA hruaitute thukhawm chuan hrileng avangin ramri khar a, inkalpawh awlsamna laiah duty nise tiin an rel a. Hemi bawhzui hian Tiau lui dunga khaw hrang hrangte chuan ramri ven hna hi an thawk.
Sub-Hqrs YMA hruaitute hnen atanga thudawn danin Champhai District chhungah riahchilha ramri ven hna chu hmun 14-ah thawh a ni a. Heng hmunahte hian VLTF leh YMA te chuan duty insiamin ramri kana mihring veivak tur leh, dan kalha bungraw lut turte chu an veng a. Vawiin thleng khan ramri duty post atang hian Myanmar atanga bungraw rawn phurh luh tumcheng nuai 336800 man hu vel man a ni tawh a. An thil mante hi ramri duty VLTF te chuan a hmunah an halral nghal thin.
An thil mante hi hriat theih chinah BEDC tlawn 600, rakzu fun 20, herion hawng 17, cigaratte carton 1600 vel leh beer can 2880 te a ni a. An thil man tam ber hi Champhai town area, Myanmar nena inrite atanga man an ni hlawm.
Ramri duty post hi riahchilh lo tiamin hmun 23 ah siam a ni a. Duty te chuan zu leh ruihhlo lak tuma ramri kan tum chu an duty-na chhehvelah an tam tawh lova, inkalpawh theihna hi a tam em avangin ven vek sen erawh a ni lo niin an sawi a. Ramri kan tum hrim hrim erawh chu an duty atang hian an tam tawh lo tih an tarlang tel bawk. Duty post 23 te hnenah hian Champhai DC office chuan an ei leh in tur senso-ah cheng nuai 2 sing 7 leh sang 3 a pe chhuak tawh a. Champhai DC office-in donation a dawnte bakah Chief Minister Relief Fund leh Covid-19 dona atana State Disaster Relief Fund atanga pek chhuah a ni a. Silpouline leh riah buk sakna tur tul dangte an pe chhuak tel bawk.
Hetih lai hian Champhai District Ramri hnaih khuaah te hri kai hmuhchhuah belh zel a ni a, vawiin khan Zokhawthar bul Khawmawiah hri kai mi 15 hmuhchhuah belh leh a ni a, Khawmawi leh Rihkhawdar-a hri kai hmuhchhuah chu 212 an tling tawh a, tun hnaiah Ramri dep khuaa hri kai hmuhchhuahna Hnahlan atanga Tiau hnaih ber khua Darkhai leh Zote hnaih ber khua Fartlang (Bulfek ti hriat lar) ah te chuan hri kai leh kai lo enna Test Kit an neih loh avangin hri kai endik hna hi an kalpui chhunzawm tawh rih lo nia thudawn a ni.
