Kachin Independence Army (KIA) chuan sipai nunrawng 77th Light Infantry Division mi leh sa 20 an kaphlum niin an sawi.
Ningani khan Momauk khuaah KIA leh 77th Light Infantry Division te hi an inkap a. Sipai hian mi 20 chuang an chan a. March thla tira KIA ten sipai inkhuarna hmun Alaw Bum an lak chu an la humhim chhunzawm zel a. Sipai hian tun tum bakah hian a hmain vawi duai lo lakir turin beihpui an thlak a, an la hlawhchham tluang zel. Ningani inkahnaah hian KIA te chuan silai fung 18 an mansak.
77th LID te hi kum 2017-a Rohingya te suatnaa a tha thawhtu ber an ni a, Yangon-a sipai duh lova nawrh huaihawttute laka a chet ber an ni bawk.
Alaw Bum-ah sipaiten KIA te hi thlawhna hmangin tum 6 an beih tawh a, April ni 24-a 88th LID ten base an lakkir theih loh hnuah 77th LID te hi an lut veleh a, hnehna an chang thei chuang lo.
